မြန်မာနိုင်ငံမှာ အင်္ဂလိပ်လိုပြောရင် လူမုန်းများတယ်ဆိုတဲ့ သရုပ်ဆောင် နေခြည်ဦး

နေခြည်ဦးဟာဆိုရင် Blogger အဖြစ်ကနေပြီး မင်းသမီးတစ်လက်အဖြစ် ပရိသတ်အားပေးမှုတွေများစွာရရှိထားတဲ့အနုပညာရှင်တစ်ယောက်ဖြစ်သလို လူငယ်တွေအတွက် Role Model တစ်ယောက်အဖြစ်လည်း အတုယူစံထားရသူတစ်ဦးဆိုရင်မမှားပါဘူး။ လက်ရှိမှာ ရုပ်ရှင်ဇာတ်ကားတော်တော်များများရိုက်ထားပြီဖြစ်တဲ့ နေခြည်ဦးက ရုပ်ရှင်တွေဆက်တိုက်ရိုက်ကူးနေသလို ပရိသတ်တွေအတွက် အနုပညာတွေချပြဖို့အားထုတ်လျက်ရှိနေပါတယ်။ အနုပညာအလုပ်တွေနဲ့ရှုပ်ပြီးပရိသတ်တွေနဲ့အနည်းငယ်ကွာဝေးနေသလိုဖြစ်နေတဲ့နေခြည်ဦးက မကြာသေးမီက BeautybyNayChi page ကနေ live လွှင့်ပြီးပရိသတ်တွေနဲ့ ဘဝအတွက်လိုအပ်တာတွေအကြောင်း၊ လက်ရှိအနုပညာလှုပ်ရှားမှုတွေအကြောင်း တရင်းတနှီးစကားပြောလာခဲ့ပါတယ်။

နေတိုးနဲ့ရိုက်နေတဲ့ အခမ်းနားဆုံးမေတ္တာဇာတ်ကားကြီးအကြောင်းကို ချီချီက “ကိုနေတိုးနဲ့ဇာတ်ကားမှာလည်း အရမ်းငိုရပါတယ်။ဒါပေမယ့် အခုတော့ ငိုတတ်သွားပြီ။ နည်းနည်းလေးပေါ့နော်။ On Scene ရော့ ငို ဆိုရင်တော့ မငိုတတ်သေးဘူး။ ဒါပေမယ့် နည်းနည်းပေ့ါနော်။ ကိုယ်အရင်က experience မဟုတ်ပဲ Experience အသစ်ဖြစ်လာလို့ရှိရင်လည်း experience အသစ်အပေါ်မှာ ကာရိုက်တာကိုတော့ နည်းနည်းလေး absorb လုပ်လာနိုင်ပြီပေ့ါနော်။ကိုနေတိုးနဲ့ရိုက်ထားတဲ့ကားလေးဆိုရင် နေခြည်ရိုက်ထားတဲ့ခြောက်ကားထဲမှာနေခြည် အလုပ်နိုင်ဆုံး လုပ်ကွက်အရဆုံးကားလေးလို့နေခြည်မြင်ပါတယ်”လို့ ပြောပြသွားပါတယ်။

ဧည့်သည်ကားမှာလည်း ကိုယ့်ကိုယ်ကိုယ်အားမရလိုက်ဘူးလို့ နေခြည်ဦးက “ဧည့်သည်မှာလည်း ပရိသတ်တွေက အားလုံးက ချစ်တဲ့ မျက်စိနဲ့ကြည့်ပေးကြပေမယ့်လည်းပဲ နေခြည်ကိုယ်တိုင်က ကိုယ့်ကိုယ်ကိုယ်အားမရဘူးလို့နေခြည်ခံစားရတယ်။ လိုအပ်ချက်တွေအများကြီးရှိသွားတယ်။ မိတ်ကပ်ပိုင်းရော အင်္ကျီပိုင်းရော နေခြည်ငိုတာတွေဆိုလည်းနေခြည်မကြိုက်ဘူး။ နေခြည် ဧည့်သည်ထဲမှာ နှင်းနုဆိုတဲ့ကောင်မလေးနေရာ တစ်နေရာပဲ သနားဖို့ကောင်းတဲ့ ကောင်မလေးနေရာဝင်သွားတယ်လို့နေခြည်ခံစားရတယ်” လို့ပြောကြားထားပါတယ်။

ဆယ်တန်းအောင်ပြီးခါစ ကလေးတွေအတွက်တက်သင့်တဲ့သင်တန်းတွေကိုလည်း နေခြည်ကအကြံပေးသွားပါသေးတယ်။ “နေခြည့်တုန်းက တက်ခဲ့တာ။ ကွန်ပျူတာသင်တန်း၊ အင်္ဂလိပ်စာသင်တန်း။နေခြည့်အတွက်က အကျိုးရှိတာအင်္ဂလ်ိပ်စာသင်တန်းတစ်ခုပဲရှိခဲ့တယ်။ အခုမောင်လေးတွေညီမလေးတွေ တက္ကသိုလ်ကိုမြန်မာပြည်မှာပဲတက်တက် နိုင်ငံခြားမှာတက်တက် နေခြည့်အနေနဲ့ အင်္ဂလိပ်စာကိုသေချာလေးလေ့လာသင့်တယ်လို့ထင်တယ်။ မြန်မာနိုင်ငံမှာက အင်္ဂလိပ်လိုအပြင်မှာပြောရင်တောင် လူမုန်းများတဲ့နိုင်ငံလေ။ လူမုန်းများတဲ့နိုင်ငံဆိုတော့ အပြင်သွားပြီးတော့ မြန်မာအချင်းချင်းအင်္ဂလိပ်လိုပြောရင်တောင် ဘိုရူးလို့အပြောခံရတယ်။ ကိုယ့် rights နဲ့တောင်ကိုယ်အင်္ဂလိပ်လိုပြောခွင့်မရှိဘူးဖြစ်နေတယ်”လို့ ပြောထားပါတယ်။

ပြောချင်လွန်းလို့ပရိသတ်ကြီးရော နေခြည်ဦးကို ချစ်ကြလား။ နေခြည်ဦးရဲ့နောက်ထပ်ထွက်မယ့်ဇာတ်ကားတွေကိုရောအားပေးကြမှာလား။ပြောခဲ့ကြပါဦး။

Credit : NanMalGyi