အထွေထွေဗဟုသုတကြားသိရသမှ

မိဘရဲ့အတ္တကြောင့် မုန့်ဟင်းခါးတပွဲအတွက် အသက်ပေးလိုက်ရတဲ့ သနားစရာ ကလေးမလေး

ဟိုတလောက ညီတယောက်လို ခင်မင်ရတဲ့ သူငယ်ချင်းတယောက်ဆီ ကိစ္စလေးရှိလို့ သွားဖြစ်တယ်။ချိန်းထားတဲ့ အချိန်နည်းနည်း ကပ်သွားလို့နဲ့ တူပါရဲ့။သူတို့အိမ်မှာ ရောက်နှင့်နေတဲ့ ဧည့်သည်တွေလည်း မပြန်ကြသေးဘူး။ကိုယ်နဲ့လည်း မျက်မှန်းတန်းပြီးသားတွေမလို့ သူတို့ကလည်း ခေါ်တာနဲ့ ထွေရာလေးပါး ပြောဖြစ်ကြတယ်။ အဲဒီမှာ ဧည့်သည်အတွက် ချပေးထားတဲ့ ပန်းကိတ်ကို ကျနော့် သူငယ်ချင်းရဲ့သား လမ်းလျှောက်တတ်ခါစ အရွယ်ကောင်က မျက်စိကျနေတာကို ကျနော် သတိထားမိတယ်။

အဲဒါနဲ့ ကျနော်က ဟေ့ကောင် လာလာ လို့ ခေါ်ပြီး ပေါင်ပေါ်ထိုင်ခိုင်း၊ မင်းနာမည် ဘယ်သူ ဘယ်နှနှစ် လျှောက်မေးရင်း မုန့်ခေါ်ကျွေးတော့ ဒီကောင် အတော်ပျော်နေပုံရတယ်။ နောက်တခု စားမလား ဆိုတော့ ခေါင်းညိတ်တယ်။အဲဒါနဲ့ တခုထပ်ပေးပြီး နောက်ထပ် စားချင်ရင် ထပ်လာယူ သိလား ဆိုတော့ ဒီကောင့် မျက်နှာ ဝင်းကနဲ ဖြစ်သွားတယ်။

သူ့အဖေနဲ့အမေလုပ်သူက ရှက်တယ်နဲ့ တူပါရဲ့။ဒီကောင်ကွာ ဒီလောက် ကျွေးထားပြီးသားကို လူရှေ့သူရှေ့ လုပ်ပြန်ပြီ ဘာညာနဲ့ ညည်းတွားနေတာကြားရတယ်။ကျနော် ဘာမှ မပြောပါဘူး။ ပြုံးနေလိုက်တယ်။တခြားဧည့်သည်တွေ ပြန်သွားတော့မှ ညီလိုညီမလို ဖြစ်နေတဲ့ သူတို့နှစ်ယောက်လုံးကို လှမ်းခေါ်လိုက်ပြီး ပြောစရာ ရှိတာ ပြောတယ်။

ပြီးတော့ မင်းတို့ကွာ အတော်အတ္တကြီးတဲ့ ကောင်တွေ ဆိုတော့ လင်မယား နှစ်ယောက်စလုံး နည်းနည်း မျက်နှာပျက်သွားတယ်။ဒီမယ် ကလေးတွေကို လူရာသွင်းရတယ်ကွ။လူရာမသွင်းရင် ခွေးရာဝင်သွားတတ်တယ်။ဆရာအောင်သင်းစကား မကြားဖူးရော့ သလား။

ငါမေးမယ်။ မင်းသား ဗိုက်ဆာတယ် ပြောရင် ခုနကပဲ ကျွေးထားထား အိမ်မှာ ဘယ်သူမှ မရှိရင် သူစားချင်တာ ချင့်ချိန်ကျွေးတယ်မလား ဆိုတော့ သူက ခေါင်းညိတ်တယ်။အေး မှတ်ထား ။ ကလေး ဆိုတာ သူများစားရင် စားချင်တာကွ။ အဲဒါ သူတို့ သဘာဝ။လူ့သဘာဝလို့လည်း ပြောလို့ရတယ်။ မင်းတို့ လူကြီးတွေတောင် လက်ဆုံစားရင် ထမင်းမြိန်တယ် ဘာညာ လုပ်ကြသေးတယ်မလား။ ဒါပဲပေါ့ကွာ။

အဲဒီလို သူစားချင်တာ ကျွေးနေကျဖြစ်ပေမယ့် ခုနကျတော့ မင်းတို့ မကျွေးချင်ဘူး။ ရှက်သလို ဖြစ်တယ်။ ကလေးကို မာန်မဲတယ်။အဲဒါ ဘာလို့လဲ ဆိုတော့ ငါတို့ သားသမီးကို ဝအောင် မကျွေးနိုင်ဘူးလို့ သူများတွေ ထင်မြင်သွားတော့မယ်။တကယ် မကျွေးနိုင်ရိုး မှန်ရင်အရှက်ရစရာလို့ ယူဆတယ်။ ကျွေးနိုင်ရက်နဲ့ အထင်ခံရရင် စီးပွားရေး မပြေလည်ဘူးလို့ သူများတွေ အထင်မှားတော့မယ်။

အဲဒီလို သူများတွေ ကိုယ့်အပေါ် ဘယ်လိုထင်သွားမယ် ဆိုပြီး တွေးကြောက်တဲ့စိတ်က ကလေးရဲ့ သူများစားရင် စားချင်တဲ့ သဘာဝနဲ့ သွားပြီး ပဋိပက္ခဖြစ်တာဟေ့။ မင်းတို့ မာန၊ အတ္တ၊ ပုံရိပ်ကို ဒီကောင်က သွားထိခိုက်သလိုဖြစ်တာ၊အဲဒီမှာ မင်းတို့ မခံမရပ်နိုင်ဖြစ်ကြတာ။ ပြဿနာက ကလေး မဟုတ်ဘူး။ လူကြီးတွေကွ။ငါတို့လည်း ငယ်ရာက ကြီးတာလေကွာ ငါက လူကဲခတ်နပ်လို့  သိပ်မခံရပေမယ့် ငါ့ဝမ်းကွဲတွေ ခဏခဏ အရိုက်ခံထိကြတယ်။

အဲဒီအကြောင်း ငါ့ကိုယ်တွေ့လေး ပြန်ပြောပြမယ် နားထောင်။ ငါ ငယ်ငယ်က အမေ့ရဲ့ အစ်မဝမ်းကွဲ အကြီးဆုံးက တပ်ထဲက အရာခံဗိုလ်နဲ့ အကြောင်းပါပြီး တပ်ထဲ လိုက်နေရတယ်။အမေနဲ့က အသက်ချင်း သားအမိလောက် ကွာတယ်။သူ့ယောက်ျား အရာခံဗိုလ်ကလည်း ငါနဲ့ငါ့အမေ အလည်လာရင် သူ့ဆိုင်ကယ်ကြီးနဲ့ အိမ်ပြန်ပြန်လိုက်ပို့တာ။ငါတို့ကို အတော်ချစ်ရှာတယ်။

အဲဒီမှာ သူတို့အိမ်ဘေးက လိုင်းခန်းမှာ အကြပ်၊ တပ်သားတွေလည်း နေတာပေါ့ကွာ။ အဲဒီထဲမယ် ကပ်ရက်နှစ်အိမ်ထောင်က တအိမ်နဲ့တအိမ် သိပ်မတည့်ကြဘူး။ စောင်းလားမြောင်းလာလုပ်လို့ တပ်ရင်းမှူးကတောင် ခေါ်သတိပေးရသတဲ့။တအိမ်က ကလေးများတယ်။ တအိမ်က ကလေးနည်းတယ်။ ကလေးနည်းတဲ့ အိမ်မှာ သားတယောက်၊ သမီးတယောက်ပဲ ရှိတယ်။အဲဒီ သမီးလေး နာမည်က ဝိုင်းစိန် ထင်ပါရဲ့။ မျက်နှာဝိုင်းဝိုင်း ပါးဖောင်းဖောင်းနဲ့ ငါ့ထက် ၅ နှစ် ၆ နှစ်ကြီးမှာပေါ့။

ကလေးများတဲ့ အိမ်ကတော့ သားသမီး ၆ ယောက် ၇ ယောက်ရှိတော့ လစာကို ခြိုးခြံချွေတာ သုံးရတယ်။တခုခု စားချင်ရင် ဝယ်မစားပဲ အိမ်မှာ လုပ်စားပြီး အကုန်အကျနည်းနည်းနဲ့ လူများများ စားရအောင် လုပ်လေ့ရှိတယ်။တနေ့သားမယ် ဟိုဘက်အိမ်က မုန့်ဟင်းခါး လုပ်စားတာကို အနံ့ကလည်းမွှးနေတော့ ကလေးသဘာဝ ဝိုင်းစိန်လေးက သူများစားတာ သွားငေးမိတယ် ထင်ပါရဲ့။အဲဒါ အမေလုပ်သူက ရှက်လှချည်ရဲ့ ဆိုပြီး ကလေးကို ဆံပင်ဆွဲ ပါးတွေ နားတွေ ဖိနပ်နဲ့ ရိုက်တာ။ဘယ်သူကမှလည်း ဝင်မဆွဲကြဘူး။တပ်သားတွေ၊ အကြပ်တွေ၊ အရာရှိတွေကလည်း ပီတီလုပ်နေတယ်နဲ့ တူပါရဲ့။

ကလေးမကို သူ့အမေက ပယ်ပယ်နယ်နယ် တွယ်ပြီး ဈေးကို ထွက်သွားတယ်။ ပြီးတော့ မုန့်ဖတ် ၃ ပိဿာလောက် ဝယ်လာပြီး ဟင်းရည်နဲ့ ချကျွေးတယ်။ညည်း ဒီလောက် ငတ်တာ။ ငါ့ကို အရှက်ခွဲတာ မကုန်မချင်း စားစမ်း။ မကုန်ရင် အသေပဲ ဆိုပြီး ရိုက်နှက်ကျွေးတာ။

ကလေးမက ငိုရင်းနဲ့ စားရှာတယ်။ မစားနိုင်ရင် ရိုက်တယ်။ ဘယ်လိုမှ ဆက်မစားနိုင်တော့တဲ့အခါ အမေရိုက်တာကို ပေတေပြီး ကျိတ်မှိတ်ခံနေရတာပေါ့။အဲဒီတုန်း အဖေလုပ်သူက မောမောပန်းပန်းနဲ့ ပြန်လာပါလေရော။ အဲဒါ အမေက အကျိုးအကြောင်းပြောပြီး ငိုတိုင်တယ်။ အဲဒီတော့ အဖေလုပ်သူက ဘာမှ မစဉ်းစား မဆင်ခြင်းပဲ သမီးကို စစ်ဖိနပ်နဲ့ လှိမ့်ကန်တယ်။

မုန့်ဖတ်ပိဿာနဲ့ချီပြီး ရိုက်ကျွေးထားတဲ့ ကလေးမဟာ အဲဒီနေရာမှာပဲ အစာအိမ်ကွဲပြီး သေရှာတယ်လေ။မရှုနိုင် မကယ်နိုင်ဖြစ်ပြီး သွေးတွေ အန်တော့မှ အမလေး အဘလေး အော်ပြီး သမီးလေးနဲ့ ခေါ်တော့ ဆုံးခါနီး နောက်ဆုံးအချိန်မှာ အမေနဲ့ အဖေအပေါ် အင်မတန် စိတ်ကုန်၊ စက်ဆုပ်သွားတဲ့ အကြည့်နဲ့ ကြည့်ရင်း သူတို့မရှိတဲ့ဘက်ကို မျက်နှာမူပြီး ဆုံးသွားသတဲ့။

ကဲ စဉ်းစားကြည့်စမ်း။ လူမှုဆက်ဆံရေးထဲက အမုန်းတရားတွေ၊မနာလိုဝန်တိုခြင်းတွေ၊ မလိုမုန်းထားခြင်းတွေ၊ အတ္တမာန်မာနတွေ ဆင်ခြင်တုံတရားကင်းမဲ့ခြင်း ငါတကောကောခြင်းတွေဟာ ဘယ်လောက်တောင် ကြောက်စရာ ကောင်းလိုက်သလဲ။

အဲဒီလို ပြောတော့သကောင့်သား လင်မယားနှစ်ယောက် မျက်ရည်စမ်းစမ်းနဲ့ သား ဆိုပြီး ကလေးကို ပြေးဖက်ရှာတယ်။ ဟိုကောင်က ဘာသိမှာတုန်းခုနပဲ မျက်စောင်းထိုးခံထားရပြီး အခု အဖက်ခံရတော့ ကြောင်စီစီလေး ကြည့်လို့ပေါ့။လုပ်ငန်းကိစ္စပြီးလို့ အိမ်ပြန်လာရင်း တယောက်တည်း ပြောမိတယ်။ ခွင့်လွှတ်ပါ မဝိုင်းစိန်။ ကျနော်တို့ လူ့အဖွဲ့အစည်းအနေနဲ့ လူကြီးတွေရဲ့ အတ္တအတွက် ကလေးတွေ စတေးရတာကို မသိကျိုးကျွံပြုခဲ့ကြတယ်။

အိမ်တွင်းအကြမ်းဖက်မှုတွေမှာ အမျိုးသမီးတွေ၊ ကလေးငယ်တွေ ငယ်သံပါအောင် ငိုယို အော်ဟစ်နေပေမယ့် ငါနဲ့မဆိုင်ဘူးဆိုပြီး မျက်နှာလွှဲထားခဲ့ကြတယ်။အတ္တတွေကို အရောင်တင်ရာမှာ ကလေးငယ်တွေရဲ့ ဖြူစင်ခြင်းတွေ ချနင်းခံခဲ့ရတယ်။ဒီလိုအဖြစ်ဆိုးတွေ နည်းနိုင်သမျှနည်းစေဖို့ ခင်ဗျားလေးအကြောင်း ပြန်ပြောပြမိတယ် စိတ်မရှိနဲ့ နော်။ အဲဒီမတရားမှုတွေအတွက် အားလုံး ကိုယ်စားကျနော် တောင်းပန်ပါရစေ။ကျေပါနော် မဝိုင်းစိန်။

ကိုယ်တွေ့အမှတ်တရများ ၂ (မူရင်းရေးသားသူသို့ လေးစားမှုဖြင့် ခရက်ဒစ်)

Loading...
Show More

Related Articles

Leave a Reply

Your email address will not be published. Required fields are marked *

Back to top button
Close